२६ पौष २०८१, शुक्रबार
राज शाही आइतबार, आश्विन ०२, २०७९ मा प्रकाशित
हिमाली जिल्ला हुम्लामा मतदान केन्द्र ५९ निर्धारण गरिएको छ । निर्वाचन आयोगबाट स्वीकृत भइ आएका मतदान स्थल केन्द्र तथा मतदान स्थल अनुसारका मतदाता संख्या निर्धारण गरिएको जिल्ला निर्वाचन कार्यालयका नायव शुब्बा श्यामबहादुर रानाले बताएका छन् ।
साविक मतदान स्थल कायम भएका ४७, ठाउ सारी कायम भएका मतदान स्थल ४ वटा र नयाँ थप कायम भएका ७ वटा गरी मतदान स्थल ५८ र मतदान केन्द्र ५९ कायम भएको जिल्ला निर्वाचन कार्यालयका लेखापाल झलक घर्तीले बताएका छन् । यस अघि हुम्ला जिल्लामा मतदान स्थल ५२ वटा रहेका थिए भने मतदान केन्द्र ५४ वटा रहेका थिए ।
हुम्ला जिल्लामा प्रतिनिधि सभा तर्फको मतदाता संख्या ३२ हजार ८ सय ५७ रहेका छन् । जसमा पुरुष मतदाता संख्या १७ हजार १ सय २८ र महिला मतदाता संख्या १५ हजार ७ सय २९ रहेको जिल्ला निर्वाचन कार्यालय हुम्लाले जनाएको छ । त्यसै गरी हुम्ला जिल्ला प्रदेश सभा निर्वाचनका लागी प्रदेश (क) मा जम्मा मतदाता संख्या १८ हजार ८ सय ३० रहेको छ । जसमा महिला मतदाता संख्या ९ हजार २६ र पुरुष मतदाता संख्या ९ हजार ८ सय ४ रहेको छ । त्यसै गरी हुम्ला जिल्ला निर्वाचन क्षेत्र (ख)मा जम्मा मतदाता संख्या १४ हजार २७ रहेको छ । जसमा पुरुष मतदाता संख्या ७ हजार ३ सय २४ र महिला मतदाता संख्या ६ हजार ७ सय ३ रहेको जिल्ला निर्वाचन कार्यालयका सुब्बा रानाले बताएका छन् ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
