०८ पौष २०८१, सोमबार
Mansarowar Times
सोमबार, जेठ १२, २०७७ मा प्रकाशित
हुम्ला
नेपालमा कोरोना भाइरसको संक्रमणका कारण मृत्यु हुनेको संख्या ४ पुगेको छ । स्वास्थ्य तथा जनसंख्या मन्त्रालयको नियमित प्रेस जानकारीको क्रममा बाराका एक जना व्यक्तिको कोरोनाको कारण मृत्यु भएको प्रवक्ता डा. विकास देवकोटाले बताए ।
वीरगञ्जको नेशनल मेडिकल कलेजमा उपचारका क्रममा मृत्यु भएका एक व्यक्तिमा कोरोना संक्रमण पुष्टि भएको हो । बाराको कलैयाका ७० वर्षीय ती बृद्धमा क्षयरोग, स्वासप्रश्वासमा समस्या भएपछि भेन्टिलेटरमा राखेर उपचार गर्ने क्रममा गत जेठ ४ गते मृत्यु भएको देवकोटाले बताए ।
करैयामाई गाउँपालिका वडा नम्बर सातका उनको नारायणी अस्पतालमा गरिएको परिक्षण शंकास्पद देखिएपछि थप परीक्षणका लागि राष्ट्रिय जनस्वास्थ्य प्रयोगशाला टेकुमा पठाइएकोमा आज मात्रै उनको रिपोर्टमा कोरोना संक्रमण पुष्टि भएको प्रवक्ता डा. देवकोटाले जानकारी दिए । मृत्युभएपछि परिवारलाई शव जिम्मा लगाईएको र उनको दाह संस्कारपनि भइसकेको छ ।
प्रवक्ता दवकोटाले मृतक परिवारका सबै सदस्यहरुको जेठ ५ गते नै स्वाब संकलन गरेर राष्ट्रिय जनस्वास्थ्य प्रयोगशालामा पठाइएको र नतिजा आउन बाँकी रहेको पनि जानकारी दिनुभयो । यसअघि सिन्धुपाल्चोकमा एक, बाँकेमा एक, गुल्मीका एक जनाको पनि कोरोना भाइरस संक्रमणका कारण मृत्यु भइसकेको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
