२७ पौष २०८१, शनिबार
राज शाही आइतबार, भाद्र १९, २०७९ मा प्रकाशित
हिमाली जिल्ला हुम्लाको एउटै वडामा एक सय रोपनी जग्गामा सिमी खेती सुरु गरिएको छ । सिमी खेती राम्रो हुने र आम्दानी पनि हुने भएको कारण सिङ्गो वडावासी मिलेर सिमी खेती गरिएको हो । सर्केगार्ड गाउँपालिका–३ को उनापानी गाउँका किसान दाने फडेराले यस वर्ष वडा भरिको एक सय रोपनी जग्गामा सिमी खेती गरिएको बताएका छन् । उक्त वडा सिमी राम्रो उत्पादन हुने भित्र पर्छ ।
सिमी खेतीबाट राम्रो आम्दानी गर्न सकिने भएको कारण किसानहरु यसप्रति आर्कषित भएका हुन । कृषि बिकास कार्यालयका सुचना अधिकारी धमेन्द्र अधिकारीका अनुसार एक गाउँपालिका उत्पादन बिशेष कार्यक्रम अन्र्तगत उक्त वडामा सिमी खेती सुरु गरिएको छ । किसानहरुले यसअघि केही मात्रामा सिमी लगाउने गरेको भएपनि यसवर्ष भने ठुलो र ब्यवसायीक रुपमा सिमी खेती सुरु गरिएको छ ।
खाद्य ब्यवस्था तथा ब्यापार कम्पनी लिमीटेडले हुम्लाको सिमी खरिद गर्दै आएको छ । यसलाई सहयोग पुर्याउन र धेरै परिणाममा सिमी उत्पादन गर्न कार्यक्रम अन्र्तगत सिमी खेती गरिएको हो । सिमी राम्रो फले एक रोपनी जग्गाबाट सत्तरी देखी असी क्वीन्टल सिमी उत्पादन हुने भएको कारण सात हजार क्वीन्टल सिमी उत्पादन हुने अनुमान कार्यालयले गरेको छ । कार्यालयले कार्यक्रमबाट पाँच लाख लगानी गरेर बीउ बितरण गरेको थियो । उत्पादन भएको सिमीको बजारीकरणमा समेत कार्यालयले सहयोग गर्ने भएको छ ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
