२७ पौष २०८१, शनिबार
राज शाही सोमबार, भाद्र ०६, २०७९ मा प्रकाशित
नेपाल पत्रकार महासंघ हुम्ला शाखाद्धारा जग्गा खरिद गरिएको हो । हालसम्म भाडामा कार्यालय सञ्चालन गर्दै आएको शाखाले आफ्नो भवन निर्माणका लागि नयाँ जग्गा खरिद गरेको हो । महासंघ हुम्ला शाखाका अध्यक्ष राजन रावतका अनुसार महासंघले पहिलो पटक आफ्ना नाममा जग्गा खरिद गरेको छ ।
उक्त जग्गा सिमकोट गाउँपालिका–५ भित्र पर्छ । जग्गा कुल क्षेत्रफल १७६ दशमलव २५ वर्ग मिटर रहेको छ । उक्त जग्गा खरिदका लागि खार्पुनाथ, सिमकोट र नाम्खा गाउँपालिकाले आर्थिक सहयोग गरेका थिए ।
यसका लागि क्रमश गाउँपालिका पाँच, तीन र दुई लाख रुपियाँ उपलब्ध गराएका थिए । लालपुर्जा हातमा आएपछि महासंघ हुम्ला शाखाले जग्गा खरिदका लागि सहयोग गर्ने निकाय र ब्यक्तिलाई धन्यवाद समेत दिएको छ । यसअघि गत तिहारमा महासंघले देउसी भैलो खेलेर एक लाख भन्दा बढी रुपियाँ उठाएको थियो । सो रुपियाँ पनि महासंघले यसैमा खर्च गर्ने जनाएको छ ।
हालसम्म आफ्नो भवन नभएको महासंघलाई अब आफ्नो भवन निर्माणका लागि सहायता जुटाएर अगाडी बढ्ने बाटो खुलेको छ । अध्यक्ष रावतले लालपुर्जा प्राप्त भएको र अब आफ्नो भवन निर्माणका लागि सहयोगी निकायको खोजीमा लाग्ने बताएका छन् ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
