०८ पौष २०८१, सोमबार
राज शाही बुधबार, साउन २५, २०७९ मा प्रकाशित
एक घरमा आगलागी हुँदा करिव ३ लाख वरावर धनमालको क्षेती भएको छ । जिल्लाको मध्य क्षेत्र हुम्ला जिल्लाको सर्केगाड गाउँपालिका वडा नं ८ रादेव गाउँको लेख सकचरा भन्ने ठाउँमा आगलागी भएको हो । वर्षा मसौममा गर्मी छल्न र लेखमा लगाइको गहु, जौ, फापर, चिनो लगाएतका अन्न भण्डारण गर्न बनाइएको तिन तलाको घरमा आगलागी भएको हो ।आगलागी हुने घरमा सर्केगाड गाउँपालिका वडा नं ८ रादेव निवासी ल्वारे रोकायाको रहेको सोही वडाका वडा अध्यक्ष रंगमल रोकायालाई उद्रित गर्दै हाम्रा स्थानिय संवाददाता ओम प्रसाद जैसीले बताएका छन् ।
मंगलबार राती करिव ९ वजेको समयमा आगलागी सुरु भएको र राती २ वजे स्थानियवासीको सक्रियतामा आगो नियन्त्रणमा आएको हो । उक्त घर भित्र राखीएको वृद्ध भत्ता १५ हजार नगद, १५ कुन्टल गहुँ,१० कुन्टल फापर, भाँडवर्तन सबै जलेर नष्ट भएको संवाददाता जैसीले बताएका छन् । स्थानिय जनप्रतिनिधिले गरेको मुल्याङकनमा करिव ३ लाख बरावरको क्षेती भएको जानकारी प्राप्त भएको ।
३ तलाको पुरै ६ कोठे घर जलेर नष्ट भएको जैसीले बताएका छन् । उक्त घरको गोठमा भेडा बाख्रा राखिएकोमा राती भेडा बाख्रा मात्र बचाउन सकिएको र अन्य कुनै अन्न लत्ता कपडा नगद बचाउन नसकिएको अध्यक्ष रंगमल रोकायाले बताएका छन् ।
घरमुली वृद्ध वृद्धाले खाना बनाएर खाइ सकेपछि आगो ननिभाइ अर्को घरमा वस्न गएको वेला आगलागी भएको भन्ने सम्मको खवर प्राप्त भएको छ । जसको प्रहरी मुचुल्काको लागी जानकारी गराएको र प्रहरी घटना स्थलमा पुगी मुचुल्का गरेपछि क्षेतिको एकिन विवरण आउने भएको हो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
