०८ पौष २०८१, सोमबार
राज शाही आइतबार, साउन १५, २०७९ मा प्रकाशित
चुनावका वेला दिएको आश्वासन जनप्रतिनिधिले पुरा गर्न थालेका छन् । चुनाव जित्नकै लागी जनतालाई विभिन्न आश्वासन दिने जिति सके पछि केही नगर्ने भन्ने जनताको गुनासोलाई यति वेला हुम्ला जिल्ला खार्पुनाथ गाउँपालिका वडा नं ५ का वडा अध्यक्ष भरत जंग शाहीले संवोधन गरेका छन् ।
चुनावी प्रचारका क्रममा वडा अध्यक्ष शाहीले आफुले पाउने पारीश्रमीकबाट गरीव,दलित, एकल महिला, वृद्ध, अपाङ्ग, असक्त, निमुखा, दुखी जनताको हितका लागी खर्च गर्ने वाचा गरेका थिए । सोही बमोजिम वडा अध्यक्ष शाहीले आइतबार जननिर्वाचित पछि पहिलो पारिश्रमीक पाएको र उक्त पारीश्रमिकबाट २४ घरधुरीलाई चामल वितरण गरेका छन ।
यो आफ्नो पहिलो पारिश्रमिकबाट भएको र यस पछि उक्त वडाका वास्तविक गरिव, निमुख जनताको समस्यालाई पहिचान गरी सोही अनुसारको आफ्नो पारिश्रमिकबाट सेवा उपलब्ध गराउने बताएका छन् । यो आफ्नो पहिलो प्रयास भएको पनि अध्यक्ष शाहीले बताएका छन् ।
आफुले संधै खार्पुनाथ गाउँपालिका वडा नं ५ का जनताको मुहारमा खुसी देख्न चाहेकाले हरतरह जे जसरी हुन्छ जनताको सुरक्षा, गास, वास, कपा, शिक्षा, स्वास्थ्यका लागी, लागी पर्ने समेत वडा अध्यक्ष शाहीले बताएका छन् । यो वा त्यो नभनी समग्रह खार्पुनाथ गाउँपालिका वडा नं ५ का जनताको हितका लागी अव आउने पारिश्रमिक खर्च गर्ने शाहीले थप बताएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
