०७ पौष २०८१, आइतबार
राज शाही शनिबार, आषाढ ११, २०७९ मा प्रकाशित
हाल भाडाको भवनमा बस्दै आएको चंखेली गाउँपालिकाद्धारा आगामी आर्थिक वर्षको बजेटमा आफ्नो नयाँ प्रशासनीयक भवन निर्माणका लागि दुई करोड बजेट बिनियोजित गरिएको छ । निर्वाचित भए लगत्तै गाउँपालिका अध्यक्ष प्यारीलाल शाहीले पदभार लिए लगत्तै पहिलो काम भवनको शिलान्यास गरेका थिए ।
गाउँपालिका उपाध्यक्ष प्रेमकला शाहीले आागामी आर्थिक वर्षका लागि गाउँसभामा प्रस्तुत गरेर पारित भएको बजेट ३१ करोड रहेको छ । उपाध्यक्ष शाहीले बजेटले शिक्षा, स्वास्थ्य, कृषि, भौतिक पुर्वाधार, सञ्चार, लक्षित वर्गका कार्यक्रमले प्राथमिकता दिएको बताईन । गाउँसभामा प्रस्तुत भएको बजेट पारित समेत भएको छ । अध्यक्ष शाहीले हाल भाडाको घरमा त्यो पनि साँघुरो गरि बस्नुपरि रहेको कारण आगामी वर्षको बजेट तथा कार्यक्रममा नयाँ प्रशासनीक भवन निर्माण कार्यलाई पहिलो प्राथमिकता राखिएको बताए ।
उनले नयाँ भवन निर्माणका लागि दुई करोड बजेटको ब्यवस्था भए अनुसार काम पनि अगाडी बढ्ने बताए । त्यसैगरि मुगु हुँदै चंखेली हिमालबाट सडक गाउँपालिकासंग जोडिएको भएपनि लोतीमा मोटरेवल पुल नहुँदा हाल गाउँपालिका केन्द्र सडकसंग नजोडिएको कारण पुलका लागि एक करोड बजेट बिनियोजित गरिएको बताए ।
त्यसैगरि बजेटले गाउँपालिका केन्द्रका १५ शैयाको अस्पताल निर्माणका लागि बीस लाख, शिक्षमा एक करोड बीस लाख, कृषि र पशुमा बीस बीस लाख, स्वास्थ्यमा पैताली लाख बिनीयोजित गरेको छ । अध्यक्ष शाहीले लक्षित वर्ग अन्तर्गग गाउँपालिकाका सबै दलित घरधुरीलाई ग्यास चुल्हो र शिलिण्डरको ब्यवस्था समेत गरिएको बताए ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
