०८ पौष २०८१, सोमबार
राज शाही आइतबार, जेठ २९, २०७९ मा प्रकाशित
कर्णाली प्रदेशबाट प्राप्त राहत जेठ ३० गते वितरण गरिने भएको छ । चंखेली गाउँपालिका वडा नं ४ का आगलागी पिडीतको लागी कर्णाली प्रदेशबाट प्राप्त भएको राहत लिई गाडी शनिरवार हिडेको भए पनि आज आइतबार जितेगडा पुगेको र उक्त गाडी चंखेली गाउँपालिका सोमबार मात्रै पुग्ने र सोमबार पुगे लगतै राहत वितरण गरिने सोही गाउँपालिका अध्यक्ष प्यारीलाल शाहीले बताएका छन् ।
चंखेली गाउँपालिकाको पिप्लाङमा भएको आगलागी पिडितलाइ गाउँपालिकाको पहलमा कर्णाली सरकारले राहत दिएको छ । विद्युतको तार सर्ट भएर आगलागी भएको राती २ बजेतिर चंखेली गाउँपालिका ४ कर्णबहादुर शाही, जयबहादुर शाहीको घर जलेर नष्ट भएको थियो । चेखेली गाउँपालिकाको पहल पछि आगलागी पिडितलाई राहत दिएको अध्यक्ष शाहीले बताएका छन् । कर्णाली प्रदेश सरकारको आन्तरिक मामिला तथा कानुन मन्त्रालयबाट लाखौ रकम बराबरको राहत सामाग्री अग्नि पिडितलाई सहयोग गरेको चंखेली गाउँपालिका अध्यक्ष प्यारीलाल शाहीले बताएका छन् ।
कर्णाली प्रदेश मुख्य मन्त्री जीवनबहादुर शाहीसंगको समन्वय गरेर मझौला टेण्ट ४ थान, चाइनिज टेण्ट एक थान, कम्बल १२ थान, पि फर्म १२ थान, तन्ना १२ थान, सिरानी ८ थान, कपडा,भाडा बर्तन, खाद्यान्न सहयोग भएको अध्ययक्ष शाहीले बताए छन।चामल २५ किलोका १० बोरा, दाल अरर २० केजी, खाने तेल २ पेटी, नुन १० केजी खाद्यान्न सहयोग कर्णाली प्रदेश सरकारबाट आगलागी पिडितलाई राहत सामाग्री सहयोग भएको अध्यक्ष शाहीको भनाई छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
