०७ पौष २०८१, आइतबार
Mansarowar Times
सोमबार, बैशाख २९, २०७७ मा प्रकाशित
भारतमा लकडाउन केही खुकुलो भएसँगै नेपाल फर्कनेको संख्या बढ्न थालेको छ । स्वदेश फर्किएका दुई हजारभन्दा धेरै नेपाली सुनौली नाकामा अलपत्र परेका छन् ।
सोमबार मात्रै भारतका विभिन्न ठाउँबाट तीन सयभन्दा धेरै नेपाली बेलहिया नाकामा आइपुगेका छन् । गोरखपुरसम्म बस र रेलमार्फत आएका उनीहरू त्यहाँबाट हिँडेरै बेलहिया आइपुगेका हुन् । त्यसरी आउनेमा सुत्केरी र बालबालिकासमेत छन् ।
इलाका प्रहरी कार्यालय बेलहियाका प्रहरी निरीक्षक ईश्वरी अधिकारीका अनुसार सीमानाका सुनौलीमा करिब दुई हजार नेपाली जम्मा भएका छन् । त्यसमध्ये भारतीय क्वारेन्टाइनमा करिव एक हजार बसेका छन् । बाँकी करिव एक हजार नेपाली सडक किनारा, बसपार्क, धार्मिक मठमन्दिरलगायतका ठाउँमा अलपत्र अवस्थामा बसेका छन् ।
भारत सरकारले अब आउने नेपालीलाई क्वारेन्टाइनमा राख्न नसकिने जानकारी गराएको प्रहरी निरीक्षक अधिकारीले बताए । यसअघि नेपाल सरकारले बेलहियामा अलपत्र परेका तीन सय नेपालीलाई स्वदेश भित्र्याएको थियो । त्यसपछि भने सरकारले बेलहिया नाकामा अलपत्र परेका नेपालीलाई स्वदेश ल्याउनेतर्फ पहल गरेको छैन ।
सोमबार दिउँसो तीन सयभन्दा धेरै नेपाली सीमानाका बेलहिया प्रवेश गर्न खोजेपछि सुरक्षाकर्मीले रोकेका थिए । त्यसपछि भारतीय सुरक्षाकर्मीले समन्वय गरेर उनीहरूलाई भारततिरै फर्काइएका छन् ।
उनीहरूलाई भारतीय प्रहरीले ज्वरो नापेर क्वारेन्टाइनमा राख्ने तयारी गरेको छ । भारतको गाजियाबादबाट आएकी धादिङकी ६ महिनाकी सुत्केरी मीना तामाङले आफ्नो देशमा समेत जान नपाउँदा दुःख लागेको गुनासो गरिन् । यो समचार नयाँ पत्रिकामा प्रकाशित छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
