०८ पौष २०८१, सोमबार
राज शाही मंगलबार, बैशाख २७, २०७९ मा प्रकाशित
हुम्ला
हिमाली जिल्ला हुम्लामा सुत्केरी भएकी एक जना महिलाको उद्धार गरिएको छ । उद्धार गरिएकी महिलामा सर्केगाड गाउँपालिका वडा नं ४ निवासी वर्ष २४ की चन्दा थापा साउद रहेकी छन् ।
उद्धार नेपाली सेनाको हेलिकप्टरले बैशाख २६ गते दिनको बाह्र वजेर चालिस मिनेटमा उद्धार गरिएको ब्रराह दल गुल्म रानीवन व्यारेक सिमकोट हुम्लाका गुल्मपति गणेश खड्काले बताएका छन् । सुत्केरी महिलाको घाँटीभित्र पिलो आएर थुक निल्न र श्वास फेर्न नसक्ने भएपछि सुत्केरी भएको तीन दिन पछि महिलाको नेपाली सेनाको हेलिकोप्टरबाट उद्धार गरिएको हो ।
गर्भवती भएकै बेला साउदको घाँटीमा पिलो आएको र सुत्केरी भई सकेपछि थुक निल्न र श्वास प्रस्वासमा समेत समस्या आएपछि हेलिकोप्टरबाट प्रदेश अस्पताल सुर्खेतमा उद्धार गरिएको हो । उनी बोल्न सक्ने अवस्थामा समेत नरहेको जानकारी प्राप्त भएको छ । घाँटी भित्र आएको पिलोको उपचार उपकरण तथा अक्सिजनको कारण जिल्लामा गर्न नसकिने भएपछि चिकित्सकहरुको सुझावमा जिल्ला बाहिर पठाइएको हो । महिलाको सुत्केरी भएको सात दिनसम्म जुन सुकै रोगले पीडित भए पनि हेलिकोप्टरबाट उद्धार गर्न सकिने भएको कारण पिलोले थलिएकी सुत्केरी थापाको उद्धार गरिएको हो । आमासँगै नबजात शिशु पनि लगिएको छ ।
सम्बन्धित गाउँपालिका, स्वास्थ्य सेवा कार्यालय र स्थानीय प्रशासनको समन्वयमा उनको राष्ट्रपति महिला उत्थान कार्यक्रमबाट नेपाली सेनाको हेलिकोप्टरमा उद्धारका लागि लाग्ने खर्च ब्यहोर्ने गरि उद्धार गरिएको हो ।
यस वर्षको यो सुत्केरी महिलाको पहिलो उद्धार हो । यस्ता गर्भवती एवम् सुत्केरी महिलाको बर्सेनि रुपमा उद्धार हुदै आएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
