२८ पौष २०८१, आइतबार
राज शाही सोमबार, चैत्र २८, २०७८ मा प्रकाशित
चैत्र २५, देखि वैशाख १८ सम्म आयोजना भएको टाइफाइड खोप अभियानले १५ महिनादेखि १५ वर्षका बालबालिकालाई लक्षित गर्दै टाइफाइडबाट सुरक्षा हासिल गर्ने उद्देश्य लिएको छ । साथ साथै यस अभियानले बृद्धि भइरहेको एन्टिमाइक्रोबियल प्रतिरोधलाई पनि कम गर्न मद्दत गर्नेछ। हुम्ला जिल्लाका ग्रामिण क्षेत्रहरूमा १ सय ५० भन्दा बढि विद्यालय खोप केन्द्रहरूमा यो खोप लगाइनेछ ।
अभियान लगत्तै टाइफाइड खोप नियमित खोप कार्यक्रममा सामेल गरिनेछ जसले गर्दा १५ महिनाका बालबालिकाले नियमित यो खोप प्राप्त गर्नेछन्। “नेपाल सरकारलाई यस कोषेढुङ्गा कदमका लागि धन्यवाद दिइएको छ ।
टाइफाइड खोपको शुरुवातले बर्षौं सम्म हुम्ला जिल्ला भरीका हजारौं बालबालिकाको जीवन रक्षा सुनिश्चित गर्नेछ र बृद्धि भइरहेको एन्टिमाइक्रोबियल प्रतिरोधलाई पनि कम गर्न मद्दत पुग्ने जिल्ला स्वास्थ्य सेवा कार्यालय हुम्लाका प्रमुख प्रेमबहादुर सिंहले बताएका छन् । साथ साथै यस अभियानले जीवन बचाउने खोप र अरु स्वास्थ्य सेवाबाट बन्चित बालबालिकाको पहिचान पनि गर्ने सिहले बताएका छन् ।
टाइफाइड खोपको शुरुवातले गर्दा १५ वर्षमुनिका बालबालिकाले निःशुल्क रुपमा यो खोप प्राप्त गर्नेछन् । बालबालिकाको स्वस्थ्य जीवनको शुरुवातको लागि खोप एक राम्रो लगानी हो। राष्ट्रब्यापी नियमित खोप कार्यक्रममा टाइफाइड खोप पनि सामेल गर्नाले हजारौं बालबालिकाको ज्यान बच्नेछ। कोभिड-१९ महामारीले स्वास्थ्य सेवामा ब्यापक रुपमा असर गरेको सन्दर्भमा टाइफाइड खोपको शुरुवात र नियमित खोप कार्यक्रमको सशक्तिकरण निकै समय सान्दर्भिक छ,” प्रमुख सिंहले बताएका छन् ।
त्यसै गरी हुम्ला जिल्लाको ३ वटा गाउँ पालिका मध्य सिमकोट गाउँ पालिकामा चैत २७ गतेबाट सुरु भएको हो भन्ने नाम्खा र खार्पुनाथ गाउँ पालिकामा चैत २८ गतेबाट सुरु भएको हो ।
हुम्ला जिल्लाको क्षेत्र नं क का ४ वटा गाउँ पालिकामा केहि दिन पछि उक्त खोप लगाइने भएको छ । टाइफाइट विरुद्धको भ्याक्सिन ढुवानीमा ढिलाई भएका कारण केही दिन पछि लगाइने प्रमुख सिंहले बताएका छन् । सिहका अनुसार चैत २८ गते वेलुका सम्म भ्याक्नसिन लिन कर्मचारी सिमकोट आइ पुग्ने र भोलीनै भ्याक्सिन दिएर पठाइने बताइएको छ । उक्त भ्याक्सिन खोप केन्द्रमा पुग्ने वितिकै खोप लगाउने कार्य सुरु गरिने भएको छ ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
