०८ पौष २०८१, सोमबार
राज शाही आइतबार, चैत्र २७, २०७८ मा प्रकाशित
पर्यटकीय सिजन सुरु भए सँगै हुम्ला जिल्लाको सदरमुकाम सिमकोट बजार सरसफाइलाई पहिलो प्राथामिकतामा राखिएको छ । जिल्ला प्रशासन कार्यालय हुम्लाको आयोजना र सिमकोट गाउँ पालिकाको समन्वयमा यस अघि जिल्ला सदरमुकाम सिमकोट बजार सरसफाइ गरिदै आएको छ ।
प्रमुख जिल्ला अधिकारी सिता परियार हुम्लामा सरुवा भई आए संगै सिमकोट बजार सरसफाइ गर्ने कार्यले पहिलो प्राथमिकता पाएको छ । यति वेला सिमकोट बजार पहिले भन्दा केही सफा देखिन थालेको छ । बजारका होटल, पसल व्यवसायी संगै बजारमा आवत जावत गर्ने मानिसहरुले जथाभावी फोहोर फाल्न छोडेका छन् । पसलको अगाडी पसलेहरुले डस्विन राख्न थालेका छन् । आ आफ्नो घर आगन सफा गर्न थालेका छन् ।
सिमकोट बजार दुरगन्दित हुन नदिनका लागी र सिमकोट बजार सफा राख्न तथा अव्यवस्थित रुपमा फालिने फोहरमैलालाई निरुत्साहन गर्न नियमित अनुगमन गर्न तथा फोहरमैलालाई जथाभावी रुपमा सार्वजनिक स्थलमा फाल्ने कार्यलाई निरुत्साहित र फोहोर फाल्नेलाई १ हजार जरिवाना गर्न सक्ने गरी सहायक प्रमुख जिल्ला अधिकारीको संयोजगत्वमा सरसफाई अनुगमन समिति गठन गरिएको छ ।
अनुगमन समितिले पहिलो पटक सिमकोट बजारको टोल टोलमा पुगी फोहोर नफाल्न आग्रह गर्ने र त्यसपछी घर आगन टोल सफा नगरेको पाइएमा जो जसको घर आगन फोहोर भएको हो निजलाई १ हजार रुपैयाँ जरिवान गर्न सक्ने गरि सहाक प्रमुख जिल्ला अधिकारी अनुपम पौडेलको संयोजगत्वमा ९ सदसीय सरसफाइ अनुगमन समिति गठन गरिएको हो ।
सो समितिमा उद्योग तथा उपभोक्ता हित संरक्षण कार्यालय, सिमकोट गाउँ पालिका, उद्योग बाँणिज्य संघ,जिल्ला प्रहरी कार्यालय, सशस्त्र प्रहरी वल नेपाल ४४ नं गुल्म, राष्ट्रिय अनुसन्धान जिल्ला कार्यालय, गैर सरकारी संस्थाहरु सदस्य र खानेपानी सिचाइ तथा उर्जा विकास कार्यालय सदस्य सचिव रहने गरी उक्त समिति गठन गरिएको हो ।
संघिय संसद छक्कबहादुर लामा,पुर्व सामाजिक विकास मन्त्री दल रावल, संविधान सभा संसद रिता शाहीको उपस्थित रहेको कार्यक्रमको अध्यक्षता प्रमुख जिल्ला अधिकारी सिता परियारको रहेको थियो । सिमकोट गाउँ पालिकाका अध्यक्ष पदमबहादुर लामा, बराहदल गुल्म रानिवन व्यारेकका सेनानी गणेश खड्का,जिल्ला सरकारी वकिल पुर्णबहादुर केसी लगाएत सुरक्षा निकायका प्रमुख लगायत पत्रकारहरुको उपस्थित रहेको थियो । बैठक विहान ८ वजे जिल्ला प्रशासन कार्यालय हुम्लामा वसेको थियो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
