०८ पौष २०८१, सोमबार
राज शाही बिहिबार, चैत्र १७, २०७८ मा प्रकाशित
यतिबेला हुम्लाका किसान कार्तिके वाली कोदो आलु सिमी लगाउनमा व्यस्त देखिएका छन् । स्थानीय तहको निर्वाचन नजिकिदै जाँदा नेताहरु भोट माग्न गाउँ–गाउँ पुगिरहेका बेला हुम्लाका किसानलाई भने कार्तिके वाली लगाउनेको चटारो देखिएको छ ।हुम्लाका विभिन्न खेतबारीमा धमाधम कार्तिके वाली लगाउने काम भइ रहेको छ ।
चैतको टन्टलापुर गर्मीमा यहाँका किसानहरु कार्तिके वाली आलु, कोदो, सिमी लगाएतका बाली लगाउनमा व्यस्त देखिएका छन । कार्तिके वालीको लागी खेत गरा पल्टाउने, ढ्ङ्गा मुडा पन्छाउने, फोहोर सफा गर्ने , आली, गरा मिलाउनमै व्यस्त हुम्लाका किसान देखिएका छन् । किसानले हल गोरु लगाएर खेत जोतिरहेका छन् । खेतमा किसान कार्तिके वाली लगाउनमा वेस्त छन् भने उता नेताहरु स्थानीय निर्वाचन लक्षित कार्यक्रम गर्दै मतदातासँग भोट मागिरहेका छन् । धान फल्ने हुम्लाका बस्तीमा चैत महिनामा विउ राखेर जेठ असारमा खेतमा धान लगाउने हुम्लामा चलन रहेको छ ।
यति वेला हुम्लाको सिमकोट, खार्पुनाथ, चंखेली ,सर्केगाड, ताँजाकोट, अदानचुली र नाम्खाको केही वस्तीहरुमा कोदो आलु सिमी लगाउने कार्य भइरहेको छ । विश्वभर फैलिएको कोरोना महामारीका कारण घर छोडेर बाहिर गएका व्यक्तिहरु गाउँ फर्किएका र जिल्लाका केहि स्थानीय सरकारहरुले जमिन बाँझो राख्न नपाइने नीति बनाएका कारणले पनि यसपालि बाँझा खेतहरुमा कार्तिके वाली लगाउन सुरु गरिएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
