०९ पौष २०८१, मंगलबार
राज शाही आइतबार, फाल्गुण २२, २०७८ मा प्रकाशित
दुर्गमका दुई वटा माध्यामिक विद्यालयलाई ल्यापटप सहयोग स्वरुप उपलब्ध गरिएका छन् । सिङ्गापुरस्थि सास इष्टिच्युट प्राईभेट लिमिटेडले विद्यालयलाई ल्यापटप उपलब्ध गराएको हो । ल्यापटप उपलब्ध गराउन सहजिकरण गरेका बालमन्दिर माध्यामिक विद्यालयका शिक्षक छतुप लामाले न्यून आयश्रोत भएको दुर्गमको सिमकोट गाउँपालिकका बालमन्दिर र रलिङ माध्यामिक विद्यालयलाई छ थान ब्राण्डेट ल्यापटप सहयोग स्वरुप उपलब्ध भएको जानकारी दिएका हुन ।
दुवै विद्यालयलाई तीन तीन थाल ल्यापटप सहयोग गरिएको हो । एक कार्यक्रमको आयोजना गरि दुबै विद्यालयलाई हस्तान्तरण गरिएको लामाले बताएका छन । विद्यालयको आबश्यकतालाई ध्यान दिएर सासबाट ती ल्यापटप उपलब्ध भएका हुन । यी ल्यापटपको मुल्य आठ लाख तीस हजार परेको छ ।
नयाँ ल्यापटप पाएपछि विद्यालयका शिक्षकलाई पठन पाठनमा सहयोगी हुनेछ । आफ्नै श्रोतले विद्यालयले ल्यापटप खरिद गर्न नसकि रहेको बेला ल्यापटप विद्यालयलाई उपलब्ध हुँदा शिक्षकलाई प्रबिधिबाट अध्यापन गर्न सहज हुनेछ ।
सहयोगी हातबाटै यसअघि पनि हुम्लाका विद्यालयलाई ल्यापटप र कम्प्युटर उपलब्ध भएको र त्यतिले मात्र नपुगेको बेला थप ल्यापटप उपलब्ध हुँदा विद्यालयलाई राहत मिलेको हो । प्रत्येक शिक्षकलाई हात हातमा ल्यापटप उपलब्ध गराउने विद्यालयको लक्ष्यलाई यस्ता सहयोगले मद्धत पुगेको छ । यी ल्यापटपको मुल्य आठ लाख तीस हजार परेको जानकारी प्राप्त भएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
