०७ पौष २०८१, आइतबार
राज शाही सोमबार, फाल्गुण १६, २०७८ मा प्रकाशित
हिमाली जिल्ला हुम्लाको खार्पुनाथ गाउँ पालिकामा मतदाता संख्या ४ हजार ८४ रहेको छ । जिल्ला निर्वाचन कार्यालय हुम्लाको प्रारारम्भिक मतदाता नामावलि प्रकासित भए अनुसार खार्पुनाथ गाउँ पालिकाका ५ वटै वडाको मतदाता संख्या ४ हजार ८४ रहेको हो ।
जसमा खार्पुनाथ गाउँ पालिका वडा नं १ मा १ हजार ७८ मतदाता, सोही गाउँ पालिका वडा नं २ मा ५ सय ८७ मतदाता, वडा नं ३ मा ६ सय ३१ मतदाता, वडा नं ४ मा ७ सय २२ र वडा नं ५ मा १ हजार ६६ मतदाता गरी जम्मा ४ हजार ८४ मतदाता रहेको जिल्ला निर्वाचन अधिकारी श्यामबहादुर रानाले बताएका छन् ।
त्यसै गरी उक्त गाउँ पालिकामा ५ वटा मतदान केन्द्र तोकिएको छ । खार्पुनाथ गाउँ पालिका वडा नं १ को मालिका माध्यामिक विद्यालय लाली, वडा नं २ को शंकर आधारभुत विद्यालय थाली, वडा नं ३ को हुम्ला माध्यामिक विद्यालय राया वडा नं ४ को सीता माध्यामिक विद्यालय छिप्रा र वडा नं ५ को मान्धार माध्यामिक विद्यालय भण्कुण्टालाई मतदान केन्द्र तोकिएको छ ।
२०७४ सालकै मतदान केन्द्रलाई यथावत राख्ने गरी निर्वाचन आयोगबाट जानकारी प्राप्त भएकाले पुन मतदान केन्द्र थप्ने वा घट्ने संभावना अति निउन रहेको जिल्ला निर्वाचन अधिकारी रानाले बताएका छन् । मतदाताको अध्यावधिक कार्य हाल भइ रहेकाले थोरै थप घट हुन सक्ने पनि जिल्ला निर्वाचन अधिकारी रानाले बताएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
