०९ पौष २०८१, मंगलबार
राज शाही बिहिबार, फाल्गुण ०५, २०७८ मा प्रकाशित
हुम्ला
प्रसुती वेथा लागेको तीन दिनपछि सुत्करी भएकी एक जना महिलाको हेलिकोप्टबाट जिल्ला बाहिर उद्धार गरिएको छ । घरमै बच्चा जन्मने र सालनाल निस्कने कार्य सफल भएको भएपनि बच्चा जन्मने बित्तिक्कै सुत्केरी महिलाको शरिर सुनिन थालेपछि उनलाई हेलिकोप्टरमा उद्धार गरिएको हो ।
स्वास्थ्य सेवा कार्यालयकी बरिष्ठ अनमी सरिता बोहराका अनुसार हुम्ला जिल्ला खार्पुनाथ गाउँपालिका– २ थाली गाउँकी पच्चीस वर्षीया जानसा रावल सुत्केरी भई सकेपछि शरिर सुनिएर स्वास प्रस्वासमा समस्या आएपछि हेलिकोप्टरबाट उद्धार गरिएको बताएकी छन ।
सुत्केरी भएकी रावललाई तीन दिनसम्म घरमै ब्यथा लागेको र बुधबार बिहान बच्चा जन्माउन सफल भएपनि त्यसपछि शरिर सुनिएको जानकारी आउने बित्तिक्कै उद्धारका लागि पहल गरिएको र बिहीबार उनको नेपाली सेनाको हेलिकोप्टरबाट उद्धार गरिएको हो ।
बरिष्ठ अनमी बोहराले बच्चा जन्मे पनि आमाको शरिरमा सुनिएको कारण जोखिम हुने देखिएपछि हेलिकोप्टरबाट उद्धार गर्नु परेको बताएकी छन् । आमाको शरिर सुनिएको भएपनि शिशुको स्वास्थ्य भने राम्रो रहेको कार्यालयले जनाएको छ ।
सहायक प्रमुख जिल्ला अधिकारी दशरथ राईले सुत्केरी भएर बिरामी भएको खबर आउने बित्तिकै महिला बालबालिका तथा जेष्ठ नागरिक मन्त्रालय अन्र्तगतको राष्ट्रपति महिला उत्थान कार्यक्रमको सहयोगमा हेलिकोप्टरको व्यवस्था भएको जानकारी दिए । हेलिकोप्टर उद्धारका लागि लाग्ने हवाई भाडा सो कार्यक्रमले व्यहोर्ने छ । यसवर्ष हुम्ला जिल्लाबाट यो सहित तीन जना सुत्केरी तथा प्रसुती वेथा लागेकी महिलाको उद्धार गरिएको हो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
