०९ पौष २०८१, मंगलबार
राज शाही शनिबार, माघ १५, २०७८ मा प्रकाशित
वनको संरक्षण र सदुपयोगमा सर्वपक्षीय सहयोग र समन्वय सधैं कायम राखौं “ भन्ने नाराका साथ डिभिजन बन कार्यालय हुम्लाले खार्पुनाथ गाउँपालिकाको केन्द्र याङ्चु बजारमा अस्थायी बन चेकपोष्ट स्थापना गरेको छ । गाउँ पालिकाको माग बमोजिम कार्यालयले सो चेकपोष्ट स्थापना गरेको हो । लामो समयदेखि स्थानीयको माग हुँदै आएको कार्यलाई कार्यालयले अस्थायी चेकपोष्ट स्थापना गरेको निमित्त जिल्ला बन अधिकृत लोकजंग शाहीले जानकारी दिए ।
गाउँपालिका भरि बनका गतिबिधिहरु हेर्नेगरि सो पोष्ट स्थापना गरिएको हो । अबैध रुपमा बनजंगलको फडानी, तस्करी हुन थालेपछि कार्यालयसंग चेकपोष्ट स्थापनाका लागि माग हुँदै आएको थियो । सो चेक पोस्टको स्थापनाले खार्पुनाथ गाउँपालिकाको.वडा न १ देखि ५ नम्बर वडासम्मको वन संरक्षण, अवैध तरिकाले हुन सक्ने वन पैदावार संकलन तथा निकासीको नियमन गर्न सहज भएको उनले बताए ।
त्यसैगरि स्थानीय जनता सेवाग्राहीले कर्यालय मार्फत प्राप्त गर्ने सेवा उपलब्ध गराउन सहज हुने बिश्वास लिईएको उनले बताए । उक्त पोष्ट जिल्लाकै पहिलो हो । हाललाई दुई बन कर्मचारीबाट सो पोष्ट सञ्चालन हुनेछ । कर्णाली प्रदेश सरकारको पर्यटन मन्त्रालयको सचिबस्तरीय बैठकले केही दिन अगाडी ग्रामीण स्तरमा यस्ता पोष्ट स्थापना गर्ने निर्णय गरेको थियो ।
यसअघि खार्पुनाथ गाउँपालिकाको कार्यपालिकाको बैठकबाट पोष्ट स्थापनाका लागि डिभिजन बन कार्यालयलाई माग गर्ने निर्णय गरेर पशे गरेको थियो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
