०८ पौष २०८१, सोमबार
राज शाही मंगलबार, माघ ०४, २०७८ मा प्रकाशित
तीन दिनदेखि सुत्केरी ब्यथाले थला परेकी गर्भवती महिलाको नेपाली सेनाको हेलिकोप्टरबाट उद्धार गरिएको छ । ब्यथा लागेर स्वास्थ्य चौकीको प्रसुती गृहमा राखिएकी महिलालाई सुत्केरी गराउन नसकेपछि जिल्ला प्रशासन कार्यालय हुम्लाको समन्वयमा गर्भवतीको उद्धार सोमवार बेलुका गरिएको हो ।
हुम्ला जिल्ला गाउँपालिका वडा नं ३ को उनापानी गाउँकी सुत्केरी व्यथाले थला परेकी तीस वर्षकी ज्ञानी कार्कीको नेपाली सेनाको हेलिकोप्टरबाट प्रदेश अस्पताल सुर्खेतमा उद्धार गरिएको हो । उनी गाउँमा तीन दिनदेखि प्रसुती व्यथा लागेर थला परेकी थिईन । ब्यथा लागेको खवर आएपछि महिला बालबालिका तथा जेष्ठ नागरिक मन्त्रालय अन्त्ररगतको राष्ट्रपति महिला उत्थान कार्यक्रमको सहयोगमा हेलिकोप्टरबाट उद्धार गरिएको हो ।
स्थानीय स्वास्थ्यकर्मीले सुत्केरी गराउनका लागि निक्कै प्रयास गरेको भएपनि आबश्यक सामाग्रीको अभाव भएको कारण जिल्ला अस्पताल वा जिल्ला बाहिर रिफर गरिएको थियो । सञ्चार सम्पर्क कठिनाई भएको कारण पनि उनको उद्धारमा कठिनाई भएको थियो ।
हेलिकोप्टरबाट सुर्खेत उद्धार भएपछि उहाँका परिवारका सदस्यले आमा र शिशु बाँच्ने आशा जागेको बताएका छन । अस्पतालकी बरिष्ठ अनमी सरिता बोहराले हेलिकोप्टर उद्धारका लागि लागेको खर्च राष्ट्रपति महिला उत्थान कार्यक्रमले व्यहोर्नेे बताएकी छन् ।
हुम्लामा वर्षेनी उक्त कार्यक्रमले सात देखि आठ जना सुत्केरी हुन नसकेकी महिलाको उद्धार गरेर ज्यान बचाउने गरेको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
