०८ पौष २०८१, सोमबार
राज शाही आइतबार, पौष १८, २०७८ मा प्रकाशित
नेपाली सेना र सञ्चार जगतबीचको आपसी समझदारीलाई अभिवृद्धि गर्दै आपसी पेशागत सम्बन्धलाई सकारात्मक एवं प्रभावकारी बनाउने उद्देश्यले सेनाको ६ दिने अभिमुखिकरण तालिम सुरु भएको छ ।
आइतबार सुर्खेतस्थित पश्चिम कमाण्ड हेडक्वाटरमा कमाण्ड सेनापति उपरथी प्रेम शाहीले शुभारम्भ गरेको अभिमुखिकरण कार्यक्रममा विभिन्न सञ्चार माध्यमका १९ रक्षा संवाददाताहरु सहभागी छन् । उक्त कार्यक्रम २३ गते सम्म चल्ने छ ।
नेपाली सेनाको साङ्गठनिक स्वरुप,भुमिका, जिम्मेवारी तथा नेपाली सेना सम्बन्धी अन्य विविध विषयमा जानकारी दिने एवं समाचार सम्प्रेषण गर्दा स्पष्ट होस् भन्ने उद्देश्यका साथ संचालन गरिएको कार्यक्रममा पश्चिम कमाण्ड हेडक्वाटरका रथीवृन्द तथा अधिकृतहरुको उपस्थित रहेको थियो ।
उक्त अभिमुखिकरण कार्यक्रममा रक्षा संवाददाताहरुलाई नेपाली सेनाका विभिन्न निकायहरुको काम, कर्तव्य र जिम्मेवारीहरुको बारेमा प्रस्तुतिकरण तथा अन्तरक्रिया सहितको जानकारी मुलक कार्यक्रम सञ्चालन गर्नुका साथै दैलेक जिल्लास्थित गढी, भेरी डाईभर्सन तथा बर्दिया राष्ट्रिय निकुञ्जको फिल्ड भिजिट समेत गराउने योजना रहेको नेपाली सेनाले जनाएको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
