०८ पौष २०८१, सोमबार
राज शाही शुक्रबार, मंसिर १७, २०७८ मा प्रकाशित
हुम्ला जिल्लामा ७ वटा गाउँ पालिका र ४४ वटा वडाहरु रहेका छन् । भौगलिक विकटताका कारण हुम्ला जिल्लामा दुई चरणमा फोटो सहितको मतदाता नामवली संकलन गरिदै छ । हुम्लाका ३ वटा गाउँ पालिकामा फोटो सहितको मतदाता नामवली संकल कार्य सुक्रबारबाट सुरु भएको छ ।
पहिलो चरणमा ताँजाकोट, सर्केगाड र नाम्खा गाउँ पालिकामा मतदाता नामवली संकलन कार्य आज सुक्रबारबाट सुरु भएको जिल्ला निर्वाचन अधिकारी ओम प्रकास महतोले बताएका छन् । मतदाता नामवली संकलन विशेष कार्यक्रम संचालन मापदण्ड २०७८ अन्तरगत मतदाता नामवली संकलन कार्यक्रम रहेको निर्वाचन अधिकारी महतोले बताएका हुन ।
मतदाता नामवलीमा आफ्नो नाम दर्ता गर्नका लागी १६ वर्ष उमेर पुरा भई नेपाली नागरिकता प्राप्त गरेको नागरिकले स्वयम आफै फोटोसहितको मतदाता नामवली संकलन केन्द्रमा उपस्थित भई आफ्नो नाम दर्ता गराउन सक्ने भएका छन् ।
हुम्ला जिल्लाका स्थानिय तहमा दोश्रो चरणको फोटो सहित मतदाता नामवली संकलन कार्य चंखेली, खार्पुनाथ र अदानचुलीमा आगामी मंसिर २९ गतेबाट सुरु हुने भएको छ । जसका लागी खार्पुनाथ गाउँ पालिकामा सन्तोस जेठारा, अदानचुली गाउँ पालिकामा दलबहादुर शाही र चंखेली गाउँ पालिकामा बाँचबहादुर बोहरा दर्ता कर्मचारीको रुपमा खटिएका छन् ।
सिमकोट गाउँ पालिकाको लागी जिल्ला प्रशासन कार्यालय र जिल्ला निर्बाचन कार्यालयबाट मतदाता नामवली संकलन नियमित भइरहेको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
