०८ पौष २०८१, सोमबार
राज शाही मंगलबार, कार्तिक २३, २०७८ मा प्रकाशित
जिल्लामा सञ्चालन हुने जनगणनामा सहज होस भन्दै जनगणना कार्यालयले सोमवार अनौपचारीक रुपमा पत्रकार र राजनिति दलका प्रतिनिधिहरुसंग सुझाव संकलन गरेको छ । कात्तिक २५ गतेदखि सञ्चालन हुने राष्ट्रिय जनगणनका लागि हुम्ला जिल्लामा ८० जना गणकहरु तयारी गरेको जिल्ला जनगणना अधिकृत विनोद भट्टले बताए ।
जनगणना गर्ने क्रममा जिल्लाका निर्वाचित क्षेत्रका जनप्रतिनिधिहरू मध्ये समन्वय समिति प्रमुखको संयोजकत्व र अर्को प्रमुख जिल्ला अधिकारीको संयोजकत्व गरि जिल्लामा दुईवटा समति रहने गर्दछ । त्यस्तै जनगणना संकलनकाबाट सही तथ्यांक आउनका लागि जिल्लाका सात दलको तर्फबाट समेत सयुंक्त रुपमा शन्देश दिने कार्य गरिने बताइएको छ ।
हुम्ला जिल्लामा कात्तिक २५ गतेबाट जनगणना गर्ने कार्य सञ्चालन हुने भएको छ । मेरो गणना मेरो सहभागिता भन्ने नाराका साथ १२ औँ राष्ट्रिय जनगणना संकलन गर्ने कार्य शुरु हुने भएको छ । कात्तिक २५ गतेदेखि मंसिर ९ गतेसम्म हुने जनगणनका लागि राजनिति दल र पत्रकारहरूलाई समेत सही तथ्यांक संकलन गर्नमा सहयोगको अपेक्क्षा जनगण्ना कार्यालयले गरेको छ ।
तयारी गरिएका ८० जना गणकहरूलाई यस अधि कात्तिक १३ गतेदेखि १६ गतेसम्म तालीम सञ्चालन गरेको थियो । त्यस्तै गाउँमा खटिने सोही गणकहरूको अनुगमनका लागि २३ जना सुपरभाइजरको समेत तयारी गरेको अधिकृत भट्टले बताउनु भयो । अनुगमनमा खटिने सुपरभाइजरले पनि भदौ ३० देखि असोज १२ गतेसम्म तालिम लिएका थिए ।
यसपालीको जनगणनमा विशेष गरेर स्वास्थ्य, शिक्षा, खाने पानी लगायत सम्पुर्णको विवरण लिने भएको छ । विवरण संकलनका क्रममा कम जनसंख्या भएको वडामा एक जना र बढी जनस्संख्या भएको वडामा दुईदेखि तीन जना सम्म गणकलाई खटाउने तयारी गरिएको अधिकृत भट्टको भनाई छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
