०८ पौष २०८१, सोमबार
राज शाही आइतबार, साउन १७, २०७८ मा प्रकाशित
अग्ला लेकमा पुगेर चौरी गाई सहित अन्य पशुबस्तुको उपचार गरिएको छ । वर्खा लाखेसंगै संभावित पशुबस्तुमा देखिन सक्ने रोग बिरुद्ध उपचार गरिएको हो । नाम्खा गाउँपालिका – ३ का पेमा लामा चौरी सहितका पशुबस्तुमा रोगहरु देखिन थालेपछि पशु स्वास्थ्यकर्मी आएर उपचार गर्ने कार्य भएको जानकारी दिईन ।
नाम्खा गाउँपालिकको रानी खर्कको उच्च पाटनमा पुगेर पशुको उपचार गरिएको हो । उनले दैनिक वर्षा हुने र पशुमा संभावित देखिन सक्ने रोक बिरुद्ध उपचार गरिएको बताएकी छन् । नाँम्खा, खार्पुनाथ र सिमकोट गाउँपालिका पशुपालक किसानहरु गत जेठ महिनायता रानी खर्कमा अस्थायी रुपमा पशुपालन गर्दै आएका छन ।
गाउँपालिका पशु स्वास्थ्य शाखाका संयोजक पठाने बुढाले तीन दिनमा दुई हजार ७१५ वटा पशुको उपचार गरिएको जानकारी दिएका हुन । शाखामा पशु बिरामी भएको खबर आएपछि पशु स्वास्थ्यकर्मीको टोली औषधी बोकेर खर्कमा पुगेर उपचार गरेको जनाएको छ । पाँच हजारको संख्यामा पशु भएपनि बिरामी भएका पशुको उपचार तथा औषधी बितरण गरिएको शाखाले जनाएको छ ।
खर्कमा पुगेर उपचार गरिएका पशुबस्तुहरुमा गाई घोडा पचास, याब र नाक चालीस, जुमा झोपा दुई सय, बाछा बाछी १२०, घोडा ५५ र अन्य पशु दुई हजार २५० रहेको जनाएका छन् । पशु पालनका लागि निक्कै उपयोगी रहेको रानी खर्कमा पशुहरुमा जिवाणुबाट हुने रोग, आँखाको रोग, घाउँखटिरा, बिषाणुबाट हुने रोग र परजिवी हुने रोग लागेको र त्यसको उपचार गरिएको हो । पशुमा रोग लाग्ने क्रम बढ्न थालेपछि गाउँपालिकामा खवर गरिएको थियो ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
