०७ पौष २०८१, आइतबार
राज शाही बुधबार, साउन १३, २०७८ मा प्रकाशित
हुम्ला
खाद्य व्यवस्था तथा व्यापार कम्पनी लिमिटेडले केही दिन अघि स्थापना गरेको लिमी बिक्री केन्द्रका लागि एक हजार क्वीन्टल खाद्यन्न कोटाको व्यवस्था गरेको छ । नाँम्खा गाउँपालिका– ६ को हिमालपारीको गाउँ लिमीका लागि पैदल मार्गबाट ढुवानी हुने गरि लिमिटेडले सो खाद्यान्न कोटाको ब्यवस्था गरेको हो ।
लिमिटेडको हुम्ला शाखाका सुचना अधिकारी भरत अधिकारीका अनुसार चालु आर्थिक वर्षका लागि लिमी बिक्री केन्द्रका लागि एक हजार क्वीन्टल खाद्यान्न कोटाको व्यवस्था भएको छ । लिमीको घरधुरी र जनसंख्याका आधार खाद्यान्न कोटा निर्धारण गरिएको हो । उनले लिमिटेडको केन्द्रीय कार्यालयद्धारा लिमी बिक्री केन्द्रका लागि कोटा निर्धारण गरि ढुवानीका लागि टेण्डर समेत आव्हान भई सकेको बताएका छन ।
सो खाद्यान्न काठमाडौंदेखि केरुङ नाकाबाट तिब्बती मार्ग हुँदै हिल्साबाट लिमीसम्म ढुवानी हुनेछ । ढुवानीका लागि सरकारले अनुदान दिनेछ । १ सय ४७ घरधुरी र एक हजार दुई सय जनसंख्या रहेको लिमीका तीन गाउँ तील, हल्जी र जाङका लागि पहिलो पटक लिमिटेडले गाउँसम्मै खाद्यान्न ढुवानीको व्यवस्था गरेको बताएका छन ।
यसअघि लिमीका बासिन्दा सो खाद्यान्न लिन सदरमुकाम सिमकोटस्थित शाखा वा गाउँपालिका केन्द्र याल्वाङस्थित बिक्री केन्द्रबाट खाद्यान्न लिदै आउनु भएको थियो । सोको ढुवानी स्थानीयले आफै व्यहोर्नु पथ्र्यो । यसवर्षबाट लिमीका लागि खाद्यान्न बिक्री केन्दको व्यवस्था लिमिटेडले गरेको हो । यता नाम्खा गाउँपालिकाका अन्य छ वटा वडाका लागि दुई हजार क्वीन्टल खाद्यान्न कोरोनाको ब्यवस्था गरेको छ । सो खाद्यान्न पनि केरुङ नाकाबाट ढुवानी हुनेछ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
