२६ पौष २०८१, शुक्रबार
राज शाही आइतबार, साउन ०३, २०७८ मा प्रकाशित
स्वास्थ्य सेवा कार्यालय अन्र्तगतको जिल्ला अस्पताललाई ६४ लाख मुल्यका अत्याबश्यक उपकरण सहयोग उपलब्ध भएको छ । कार्यालयको माग अनुसार अस्पतालका लागि आबश्यक उपकरणहरु निशुल्क उपलब्ध भएका हुन । कार्यालय प्रमुख प्रेम बहादुर सिंहले अस्पतालको माग र आबश्यकतालाई मध्यनजर राखि आबश्यक उपकरणहरु उपलब्ध भएको जानकारी दिएका छन् ।
युएस एडको आर्थिक सहयोगमा स्वास्थ्यका लागि सक्षम प्रर्णालीले ६४ लाख ३५ हजार १६९ खरिद मुल्यका उपकरण कार्यालयलाई सहयोगका रुपमा हस्तान्तरण गरिएको हो । सहयोग उपलब्ध भएका उपकरणहरुमा ३४ लाख मुल्यको डिजिटल एक्सरे मशिन, हाई फ्लो नोजल क्यानुला, एबिजी मेशिन र अटो सेनिटाईजर रहेका छन् ।
प्रमुख सिंहले बिगतदेखि जिल्लाका गाउँपालिकामा रहेका स्वास्थ्य संस्थाहरुलाई स्वास्थ्य सामाग्री सहयोग र स्वास्थ्यका कार्यक्रम सञ्चालन गर्दै आएको प्रणालीले पहिलो पटक चिकीत्सकहरुको माग अनुसार जिल्ला अस्पताललाई उपकरण सहयोग गरेको जानकारी दिएका छन् । हस्तान्तरण कार्यक्रममा उपकरण बुझ्दै सिमकोट गाउँपालिकाका अध्यक्ष पदम बहादुर लामाले उपकरण सहयोगले जिल्लामै उपचार गर्न सहज भएको उल्लेख गरेका थिए ।
सहयोग उपलब्ध भएका उपकरणमा केही नयाँ पनि रहेको कारण अब बिरामीलाई उपकरण नभएकै कारण जिल्ला बाहिर उपचार गर्न रिफर गर्नुपर्ने बाध्यता हटेको छ । कार्यक्रमले दुर्गमका स्वास्थ्य संस्थाहरुलाई सामाग्री तथा उपकरण सहयोग गर्ने कार्यक्रम अन्र्तगत अस्पतालमा बिरामीको उपचारमा देखिएको समस्या समाधान गर्न उपलब्ध गर्दै आएको छ ।
सामाग्री एक कार्यक्रम सञ्चालन गरेर हस्तान्तरण गरिएका हुन । यी सामाग्रीको खरिद स्थलबाट ढुवानीको खर्च पनि कार्यक्रमले नै लागत व्यहोरेको छ । यो कार्यक्रम कर्णाली प्रदेशका दश वटै जिल्लामा लागू भएको छ । यसका लागि कार्यक्रमले आठ करोड १५ लाखका उपकरण तथा सामाग्री सहयोग गरेको जनाएको छ ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
