०८ पौष २०८१, सोमबार
राज शाही शनिबार, साउन ०२, २०७८ मा प्रकाशित
हुम्ला आएर हिल्सामा निर्माण भएको प्रबेशद्धाराको उद्घाटन गर्ने धोको कर्णाली प्रदेश सरकारका उद्योग, पर्यटन वन तथा वातावरण मन्त्री नन्दसिह बुढाको पुरा हुन पाएन । हेलिकोप्टर उडानका लागि संस्कृति, पर्यटन तथा नागरिक मन्त्रालयको अनुमति लिनु पर्ने भएपछि बिदा दिन परेको कारण सो अनुमति नआउदा मन्त्री बुढाले आउन नपाएका हुन ।
नेपाल र चीनको सिमाना हिल्सामा गत वर्ष निर्माण भएको प्रबेशद्धार उद्घाटन गर्ने कार्यक्रम हाललाई स्थगित भएको डिभिजन बन कार्यालयका प्रमुख रेनुका न्यौपानले बताईन । संघीय संस्कृति पर्यटन तथा नागरिक उड्डयान मन्त्रालयको हेलिकोप्टर उडान गर्न पाउने अनुमति पत्र नआउनु र मुख्यमन्त्री महेन्द्र बहादुर शाहीले मन्त्री बुढालाई हुम्ला नजान निर्देशन दिएपछि मन्त्री बुढाको प्रबेशद्धार उद्घाटन गर्ने कार्यक्रम पून एक पटक स्थगित भएको हो ।
मन्त्रीहरु सम्मीलित हुनु पर्ने साउन ३ गते सुर्खेतमा कार्यक्रम तय भएकोले मुख्यमन्त्रीले मन्त्रीलाई नजान निर्देशन दिएका हुन । यसअघि पनि पटक पटक मन्त्री बुढा सो कार्यका लागि हुम्ला आउन खोजेका थिए । कार्यालयले प्रबेशद्धार उद्घाटनका लागि बार्षिक कार्यक्रम नै तय भएको जनाएको छ । प्रमुख न्यौपानेले सबै तयारी भएको भएपनि मन्त्री नआउने भएपछि हाललाई कार्यक्रम स्थगित भएको बताईन । अव सो कार्यक्रम आगामी भदौमा गर्ने जनाईएको छ ।
हेलिकोप्टरमा आउन लागेको मन्त्रीको टोली सिमकोटबाट हिल्सा जाने कार्यक्रम भएको थियो । कर्णाली प्रदेश पर्यटन मन्त्रालयको आर्थिक सहयोग र डिभिजन वन कार्यालय हुम्लाको प्राविधिक सहयोगमा प्रबेशद्धार निर्माण भएको हो । मन्त्रीको टोली एक रात जिल्लामै बस्नेतय भएको थियो । ७५ लाखमा सीमा प्रवेश द्धार निर्माण सम्पन्न भएको थियो । हेलिकोप्टले हिल्साका लागि दुई उडान भर्ने व्यवस्थाका लागि तयारी भई रहेको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
