०८ पौष २०८१, सोमबार
राज शाही आइतबार, आषाढ १३, २०७८ मा प्रकाशित
हुम्ला
खार्पुनाथ गाउँपालिका हुम्लाले आगामी आर्थिक वर्षमा गाउँपालिकाको क्षेत्रका सबै नागरिकको स्वास्थ्य बिमा गर्ने भएको छ । गाउँपालिकामा जटिल रोगका बिरामी बृद्धि हुनु र आर्थिक अबस्था कमजोर भएपछि गाउँपालिकाले सबै नागरिकको स्वास्थ्य बिमा गर्न लागिएको हो ।
गाउँपालिकाका अध्यक्ष कर्ण बहादुर रावलले असार १० गते घोषणा भएको बजेट तथा कार्यक्रमले पालिकाभित्रका सबै नागरिकको स्वास्थ्य बिमा गर्ने कार्यक्रमतय गरेको जानकारी दिए ।
खार्पुनाथ गाउँपालिकामा एक हजार पाँच सय घरधुरीको छ हजार ९ सय ११ जनसंख्या रहेको छ । स्वास्थ्य बिमा कार्यक्रम गर्नका लागि पाँच जना सदस्य भएको परिवारलाई तीन हजार पाँच सय रुपियाँ बिमा शुल्क लाग्ने गर्छ । अध्यक्ष रावलले सो बिमा शुल्क सबै गाउँपालिकाले तिरि दिने बताए ।
चालु आर्थिक वर्षमा उक्त गाउँ पालिकाले बस्ती बस्ती स्तरमा गरेको घुम्ती स्वास्थ्य शिबिर सञ्चालन गर्ने क्रममा गाउँ गाउँमा जटिल रोगका बिरामी फेला परेपछि नागरिकलाई आर्थिक व्यहभार कम गर्न स्वास्थ्य बिमा कार्यक्रम अगाडी सारेको हो ।
उनले बिरामीले उपचार गर्न समेत कठिनाई भएको देखिएपछि स्वास्थ्य बिमा गर्नु परेको बताए । यसका लागि गाउँपालिकाले ४२ लाख बजेट व्यवस्था गरेको छ । उक्त कार्यक्रम कार्यान्वयनमा आएपछि जिल्लामै सवै नागरिकको स्वास्थ्य बिमागर्ने पहिलो गाउँपालिका खार्पुनाथ हुनेछ । यो कार्यक्रमले सरकारको घरघरमा स्वास्थ्य बिमा पुर्याउने कार्यक्रमलाई पनि सघाउ पुर्याउनेछ ।
यसअघि जिल्लामा सिमकोट गाउँपालिकाको वडा नम्बर ५ ले पनि वडाका नागरिकका लागि स्वास्थ्य बिमा कार्यक्रम लागु गरि सकेको छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
