२६ पौष २०८१, शुक्रबार
राज शाही आइतबार, आषाढ ०६, २०७८ मा प्रकाशित
सुत्केरी व्यथा लागेकी गर्भवती हिलाको सातौं दिन पछि उद्धार गरिएको छ । लगातार पानी परि रहेको भए पनि आईतबार बेलुका मौसममा केही सुधार आएपछि नेपाली सेनाको हेलिकोप्टरले उडान भरेपछि उनको उद्धार गरिएको हो । सात दिन अगाडी अस्पतालले जिल्ला बाहिर रिफर गरे पनि उद्धार हुन नसकेको गर्भवती महिलाको आईतवार बल्ल उद्धार भएको जिल्ला स्वास्थ्य सेवा कार्यालयकी सिनियर अनमी सरिता बोहोराले बताएकी छन् ।
सेनाको सुर्खेतमा रहेको हेलिकोप्टर बाढी पहिरोको उद्धारमा लागेको कारण काठमाडौंबाट आएको हेलिले उनको सुर्खेत अस्पतालमा उद्धार गरेको हो । छैटौ दिनसम्म दैनिक बिहानबाटै हेलिकोप्टर आउने आशा गरे पनि खराव मौसमको कारण बेलुकासम्म नआएपछि आसैमरेको गर्भवती श्रीमान जितेन्द्र रावतले बताएका छन । हेलिकोप्टर चट्नु अघि बल्ल हेलिकोप्टर आएर श्रीमातिको ज्यान बाँच्ने आशा पलाएको उनले बताए ।
यसअघि बिहानबाटै सुर्खेतबाट हेलिकोप्टर बोलाउने कार्य गरेपनि लगातारको वर्षाको कारण त्यो संभव हुन नसकेको नागरिक उड्डयान प्राबिधकरण सिमकोटले जनाएको छ । अस्पतालले छ दिन अगाडी जिल्लामा अप्रेशन गर्न संभव नहुने भएपछि जिल्ला बाहिर रिफर गरेको अस्पतालकी बरिष्ठ अनमी सरिता बोहराले बताईन । अस्पतालको सिफारिस आएर राष्ट्रपति महिला उत्थान कार्यक्रमसंग समन्वय गरेर उद्धारका लागि नेपाली सेनाको हेलिकोप्टरको व्यवस्था भएको हो ।
सिमकोट गाउँपालिका वडा नम्बर ६ कि २७ वर्षकी जगतमाया रोकायालाई व्यथा लागेको र अस्पतालको प्रसुती गृहमा उपचार गर्दा रगत जम्ने कमी, गर्भवतीको पाठेघरमा पानीको मात्रा नहुँदा त्यसको अप्रेशन जिल्लामा गर्न नसकिने भएपछि जिल्ला बाहिर रिफर गरिएको थियो । अबस्था जटिल भएको कारण बाहिर रिफर गरिएको हो । लामो समय भएको कारण बच्चा पेट भित्रै मरेको अस्पतालले जनाएको छ । उनलाई चिकीत्सकले असार २७ गते प्रसुति हुने दिन दिएका थिए ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
