२५ पौष २०८१, बिहिबार
राज शाही बिहिबार, जेठ २७, २०७८ मा प्रकाशित
हिमाली जिल्ला हुम्लामा सुद्ध खानेपानीको पहुँच पुग्न थालेको छ । जिल्लाको एक गैर सरकारी संस्थाले खानेपानी सरसफाइका क्षेत्रमा कार्यक्रम संचालन गरी जिल्लाका ग्रामिण भेग सम्म खानेपानीको पहुँच पुर्याएको छ । यसै विच नाम्खा गाउँ पालिकाको वडा नं १ ताङगीनगाउँमा ग्रामिण जलश्रोत व्यवस्थापन परियोजना हुम्लाले हुम्लाका ग्रामिण भेगका जनतालाई सुद्ध खानेपानीको पहुँच पुर्याएको हो ।
नाम्खा गाउँ पालिकाको वडा नं १ ताङगिन गाउँ निर्माण भएको ताङगिन खानेपानी तथा सरसफाइयोजनाको (ईन्टेक-१वटा, क्रसिङ-१ वटा (८५मि.), आरभिटि-१ वटा१४ घन मिटर., जकसन बक्स-४ वटा, स्कुल धारा-१, व्याक्तिगत धारा-४३ वटा, गुम्वा धारा-१वटा र जनावरलाई पानिखाने डुढ-१ बनाइएको ग्रामिण जलश्रोत व्यवस्थापन परियोजनाका जिल्ला सल्लाहकार विरेन्द्र थापाले बताएका छन् ।
ग्रामिण जलश्रोत परियोजनाले निर्माण गरेका खानेपानी संरचनाको नाम्खा गाउँ पालिका उपाध्यक्ष पेमा तामाङ, नाम्खा गाउँ पालिका वडा नं १ का वडा अध्यक्ष प्रेम लामा र जलश्रोत सल्लाहकार विरेन्द्र थापाबाट अन्तिम अनुगमन गरिएको छ । नाम्खा गाउँ पालिका वडा नं १ मा निर्माण भएका खानेपानी संरचनाको जनप्रतिनिधि, जलश्रोत कर्मचारी, सरोकारवाला निकायले अनुगमनका क्रममा खानेपानीको भौतिक संरचना गुणस्तरीय भएको अनुगमन टोलीले ठम्याइ गरी सोही गाउँ पालिका उपाध्यक्ष पेमा तामाङको हातबाट उत्घाटन गरिएको बताइएको छ ।
जसको आर्थिक सहयोग नाम्खा गाउँ पालिका र ग्रामिण जलश्रोत परियोजना हुम्लाको रहेको आयोजनाको निमार्ण कार्य बैशाख १५ गते सम्पन्न भएको थियो । खानेपानी संरचनाको निर्माण भइ घर घरमा धारा पुगे पछि ताङगिन गाउँका स्थानियवासीले सुद्ध खानेपानीको उपभोग गर्न पाएको र खोलाको धमिलो पानी पिउनु पर्ने वाध्यताको अन्त्य भएको सोही वडाका वडा अध्यक्ष प्रेम लामाले बताएका छन् ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
