२५ पौष २०८१, बिहिबार
राज शाही सोमबार, जेठ १७, २०७८ मा प्रकाशित
हुम्ला
हिमाली जिल्ला हुम्लामा सामाजिक सुरक्षा भत्ता वितरणका लागी घर घरमा गइ खाता संचालन गर्न थालिएको छ । यसै विच हुम्ला जिल्लाको सदरमुकाम सिमकोटमा स्थापना भएको संग्रिला विकास वैक र सिमकोट गाउँ पालिकाका कर्मचारी सामाजिक सुरक्षा भत्ता प्राप्त गर्ने बालबालिका, जेष्ठ नागरीक, विधुवा र अपाङगहरुको खाता खोल्नका लागी घर घरमा पुगेका छन् ।
शोमबार सिमकोट गाउँ पालिकाको वडा नं २ ठेहेमा उक्त खाता संचालन गरिएको हाम्रा सहकर्मी दल सरा परियारले सम्बन्धित स्थलबाट जानकारी गराएकी छन् । जसमा जेष्ठ नागरिक १५ जना,बालबालिका ५ जना, विधुवा १ जना र अपाङग १ जना गरी २२ जनाको खाता संचालन गरिएको सहकर्मी परियारले बताएकी हुन। खाता संचालन टोलीले मंगलबार सोही गाउँ पालिका वडा नं १ दोजाम गाउँमा खोल्ने कार्यक्रम तय गरिएको छ ।
जसमा संग्रिला विकास वैंकका कर्मचारी र सिमकोट गाउँ पालिकाका कर्मचारीको संलग्नता रहेको छ । यसले गर्दा सामाजिक सुरक्षा भत्ता पाउने व्यक्तीहरुलाई सहज हुने देखिएको छ । यातायातको पहुच नपुगेको हुम्ला जिल्लामा ३ घण्टा देखि १ दिन पैदल डिडेर सदरमुकाम सिमकोट पुग्नु पर्ने बालबालिका, जेष्ठ नागरीक, विधुवा र अपाङगहरुको वाध्यताको अन्त्य भएको छ ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
