२४ पौष २०८१, बुधबार
राज शाही शनिबार, जेठ १५, २०७८ मा प्रकाशित
हुम्ला
जिल्लामा जारी निषेधाज्ञा पूनः थपिएको छ । जिल्ला भरि कोरोना संङ्क्रमितको संख्या दिनप्रति दिन बृद्धि हुने क्रम जारी रहेपछि निषेधाज्ञालाई थप गरेर अगामी जेठ २५ गतेसम्म लम्व्याईएको हो । प्रमुख जिल्ला अधिकारी गणेश आचार्यका अनुसार कोरोना संङ्क्रमण बढी रहेको कारण हाल जारी निषेधाज्ञा दश दिन थप गरिएको छ । सदरमुकाम सिमकोट गाउँपालिका सहित छ वटा गाउँपालिकामा कोरोरा संङ्क्रमण फैलिएपछि निषेधाज्ञालाई थप कडा बनाएर थप गरिएको हो ।
यसअघि गत जेठ ४ गतेबाट जारी रहेको एघार दिने निषेधाज्ञा शनिवार रातीबाट समापन हुँदैछ । सबै गाउँपालिकातिर एष्टिजिन किटको परिक्षण गर्दा कोरोना संङ्क्रमित बढी रहेको कारण पूनः निषेधाज्ञाको आबश्यकता खड्किएको उनले बताए । शनिवार बसेको जिल्ला कोभिड १९ व्यवस्थापन समितिको बैठकले निषेधाज्ञा अबधि थप्ने निर्णय गरेको थियो ।
हुम्ला जिल्लामा गत वैशाख २१ गतेवाट निषेधाज्ञा लागु हुँदै आएको थियो । निषेधाज्ञामा बिरामी र सुरक्षाकर्मी बोकेका सवारी साधन, खाद्यान्न बोकेका सवारी साधन सञ्चालनमा आउन पाउनेछन् । त्यसैगरि अनुमति लिएर निर्माण सामाग्री बोकेका सवारी साधन पनि सञ्चालन हुन पाउनेछन् । सवै सरकारी तथा सार्वजनिक कार्यालयहरु २५ प्रतिशत कर्मचारीको व्यवस्था गरेर सञ्चालन आउने र बैंकहरु बिहान दश बजेदेखि दिउसो दुई बजेसम्म सञ्चालनमा आउनेछन् ।
कोरोना संक्रमणबाट ग्रीनजोन रहेको अबस्थामा एकाएक नेपालगंज र सुर्खेतबाट गत बैशाख १९ गते भित्रिएका आठ जना यात्रुमा कोरोना संक्रमण देखिएपछि हुम्ला जिल्लालाई निषेधाज्ञा जारी गरिएको हो । हवाई मार्गबाट खाद्यान्न, काग्रो र बिकास निर्माणका सामानहरु ढुवानी हुन पाउनेछन् ।
यो अबधिमा स्वास्थ्य, शान्ति सुरक्षा, सुचना तथा ञ्चार, खानेपानी, फोहोर मैला व्यवस्थापन, ग्याँस, पेट्रोलियम पदार्थ, खाद्य तथा दुग्ध पदार्थ , औषधी पसल, बैंकको एटिए सेवा भने सुचारु रहनेछन् । त्यसैगरि जनस्वास्थ्य सुरक्षाका मापदण्डको अनिवार्य पालन गरि दैनिक उपभोग्य बस्तु ( तरकारी, खाद्य, दुध, ग्याँस ) पसलहरु बिहान सात वजेदेखि १० वजेसम्म सञ्चालन गर्न पाईने छन् ।
यो अबधिमा हवाई यातायातबाट यात्रुहरु भने आउन पाउने छैनन् । वैठकमा समितिका सदस्यका साथै जिल्ला समन्वय प्रमुख दान बहादुर रावत, सिमकोट गाउँपालिकाका अध्यक्ष पदम बहादुर लामा, र्खाुनाथ गाउँपालिकाका अध्यक्ष कर्ण बहादुर रावल र नाम्खा गाउँपालिकाका अध्यक्ष बिष्णु बहादुर लामा, काँग्रेस सभापति जयति रोकाया, माओवादी केन्द्रका इन्चार्ज बिजय भण्डारी लगाएको उपस्थिती रहेको थियो ।
खाध्य शाखा सिमकोटमा ४ हजार ५ सय ५८ .३३ कुन्टल खाध्यन्न मौजात
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
