२४ पौष २०८१, बुधबार
राज शाही शुक्रबार, जेठ ०७, २०७८ मा प्रकाशित
खार्पुनाथ गाउँपालिकाको स्वास्थ्य शाखाद्धारा कोरोना संङ्क्रमित भएर आईसोलेशन वार्डमा भर्ना भएका बिरामीको लागि उपचारका किटको व्ववस्था गरिएको छ । सङ्क्रमित बिरामीका लागि रोग प्रतिरोधात्मक क्षेमता बढाउन र व्यक्तिगत सुरक्षाका लागि सामाग्री सहितको किटको व्यवस्था गरिएको हो । कोरोना परिक्षणका लागि एन्टिजीन किटबाट नमूना परिक्षण गर्दा रिपोर्ट नेगेटिभ आएको भएपनि भोली संभाबित हुन सक्ने बिरामीलाई मध्यनजर राखि किटको व्यवस्था गरिएको खार्पुनाथ गाउँपालिकाका स्वास्थ्य संयोजक बलिराज शाहीले जानकारी दिएका छन् ।
यसको व्यवस्था र प्रयोग गर्ने बिधिले बिरामीलाई रोग प्रतिरोधात्मक क्षेमता बढाउन र व्यक्तिगत सुरक्षाका लागि सामाग्री सहितको किटको व्यवस्था सहयोग मिल्ने उनले बताएका छन । किटमा कोरोना संङ्क्रमण बिरुद्धका दश वटा सामाग्री व्यवस्था गरिएको छ ।
जसमा मास्क १४ वटा, स्यानिटाईजर, डिजिटल थर्मोमिटर, जिंक दश ट्याव्लेट, भिटामिन बि कम्प्लेक्स १२ ट्याव्लेट, क्याल्सिम तथा भिटामिन डि, भिटामिन सि, प्यारा सिटामोल, सिट्रिजन ट्याव्लेट र हात धुन सावुनको किटमा व्यवस्था गरिएको छ ।
किटमै संङ्क्रमित बिरामीले त्यसको प्रयोग गर्ने बिधि पनि खुलाईएको पत्र राखिएको उनले बताएका छन। यी किटहरु आइसोलेशनमा रहेका बिरामीको अबस्था हेरि प्रयोग गरिने पनि उनले बताए ।
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
