१९ पौष २०८१, शुक्रबार
दलसरा परियार सोमबार, फाल्गुण २४, २०७७ मा प्रकाशित
हुम्ला
हुम्ला वासीलाई ढुवानी अनुदानमा खाद्यान्न बिक्री बितरण गर्दै आएको खाद्य व्यवस्था तथा व्यापार कम्पनी लिमिटेडको हुम्ला शाखाको गोदाममा खाद्यान्न मौज्दात न्यून भएको छ । स्थल मार्गबाट निर्धारित कोटाको खाद्यान्न ढुवानी हुन नसक्नु र हवाई मार्गबाट आयात भएको खाद्यान्न बिक्री बितरण गर्नु पर्दा लिमिटेडको गोदाममा खाद्यान्न मौज्दात कम भएको हो ।
हाल लिमिटेडको गोदाममा एक हजार १ सय ४२ क्वीन्टल खाद्यान्न मात्र मौज्दात रहेको लिमिटेडको हुम्ला शाखा प्रमुख निर्मल थापाले जानकारी दिएका छन् । यो मौज्दात शाखाले एक पटक बिक्री बितरण गर्दा नपुग्ने अबस्था रहेको छ । जव कि शाखाले एक पटक खाद्यान्न बिक्री गर्दा दुई हजार क्वीन्टल खाद्यान्न आबश्यक पर्छ ।
शाखाले फागुन महिनासम्मको कोटा भागको खाद्यान्न मात्र बिक्री गरेको छ । चालु आर्थिक बर्षको निर्धारित कोटाबाट ढुवानी भएको खाद्यान्न बिक्री बितरण कार्य गर्दा गोदाममा खाद्यान्न मौज्दात न्यून भएको हो । चालु आर्थिक वर्षका लागि सुर्खेत र नेपालगंजबाट हवाई मार्गबाट दश हजार क्वीन्टल खाद्यान्न निर्धारित कोटा भएकोमा नौ हजार पाँच क्वीन्टल पन्चानब्बे केजी ढुवानी भई बिक्री बितरण भएको शाखा प्रमुख थापाले बताएका छन् । उनका अनुसार अब हवाई मार्गबाट ढुवानी हुन नौ सय पञ्चानब्बे क्वीन्टल मात्र बाँकी रहेको छ ।
यता पैदल मार्गबाट नेपालगंज, सुर्खेत र धनगढीबाट एक÷एक हजार क्वीन्टल खाद्यान्न कोटा भएकोमा हालसम्म तीनै स्थानबाट गरि जम्मा आठ सय साठी क्वीन्टल मात्र ढुवानी भएको छ । बाँकी खाद्यान्न ढुवानी हुन नसकेको उहाँले बताउनुभयो । पैदल खाद्यान्न ढुवानी धेरै अगाडीदेखि हुन सकेको छैन । आर्थिक वर्ष सकिन अझै चार महिना बाँकी रहेको छ ।
हवाई र पैदल गरि मार्ग गरि तीन हजार दुई सय क्वीन्टल ढुवानी हुन बाँकी रहेको कारण यसवर्ष निर्धारित कोटाको खाद्यान्न अपुग हुने देखिन्छ । चैत्र देखि असारसम्म आठ हजार क्वीन्टल खाद्यान्न आबश्यक पर्ने देखिन्छ । तर लिमिटेडको गोदाममा मौज्दात, हवाई र पैदल मार्गबाट ढुवानी हुने खाद्यान्न जोड्दा त्यो पुग्ने अबस्था छैन । यसमा खार्पुनाथ र नाम्खा गाउँपालिकालाई पनि शाखाबाटै बिक्री गरिने भएको कारण त्यो कोटाको खाद्यान्न जोडिएको छैन ।
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
