१९ पौष २०८१, शुक्रबार
राज शाही बुधबार, फाल्गुण १९, २०७७ मा प्रकाशित
जिल्ला खोप समन्वय समिति तथा संचारकर्मीहरु संगको अभिमुखीकरण गोष्ठी सम्पन्न भएको छ । जिल्ला समन्वय समिति प्रमुख दानबहादुर रावतको अध्यक्षता र सिमकोट गाउँ पालिका अध्यक्ष पदमबहादुर लामाको प्रमुख आतिथ्य संगै प्रमुख जिल्ला अधिकारी चिरन्जीवी गीरीको विशेष आतिथ्यमा उक्त गोष्ठी संचालन भएको थियो ।
मानसरोवर होटमा विहान ८ बजेबाट संचालन भएको गोष्ठीमा डाक्टर टसी आङजुक लामाले कोभिसिल्ट खोपका बारेमा बताउदै यस बारेमा कोही भ्रममा नपर्न र यो लगाउन समेत जानकारी गराउदै स्वागत मनतव्य समेत राखेका थिए ।
जिल्ला अस्पताल प्रमुख प्रेमबहादुर सिंहले कोभिसिल्ड खोप लगाउनको औचित्य, लक्ष्य उद्देश्य,खोप संचालनको रणनिती, लक्षित समुह निर्धारण र चरण आधार , प्रक्रिया , खोप केन्द्र र सेसन संन्चालन अवधी लगाएतका बारेमा जानकारी गराएका थिए । जिल्लाको भौगलीक विकटता हेरी खोप केन्द्रलाई विस्तार गर्ने, चुस्त दुरुस्त ढंगले स्वास्थ्यकर्मी परिचालन गर्ने विश्वास स्वास्थ्य कार्यालय प्रमुख सिहले उपस्थितहरुलाई विश्वस्त पारेका थिए । कभिसिल्ड खोपलाई प्रभावकारी ढंगले संचालनका लागी जिल्लाका ७ वटै गाउँ पालिका स्वास्थ्य संयोजक संगै स्वास्थ्यकर्मीलाई तालिम दिएर पठाएको पनि सिहले बताएका छन् ।
जिल्ला स्वास्थ्य कार्यालयका कोचे मानबहादुर रोकायाले सहजीकरण गरेको गोष्ठीमा प्रमुख जिल्ला अधिकारी चिरनजीवी गीरीले कोभिसिल्ड खोप हुम्ला जिल्लामा लगाउनका लागी परिचालित हुने स्वास्थ्यकर्मी र राष्ट्रिय अभियान आफ्नो साथ र सहयोग हरदम रहने र उक्त खोप आफुले पनि लगाएकालाई सो खोप प्रति फैलाइएका नकरात्मक अफवाको भ्रममा नपर्न हुम्लीबासीलाई आग्रह समेत गरेका छन् ।
सुरु सुरुमा उक्त खोप लगाउन स्थानियवासी केही त्रसित भए पनि सो खोप लगाएका ४ लाख नेपाली २० करौड वेलाइतीहरुको स्वास्थ्यमा केही नकरात्मक असर नगरेकाले हामी सबै हुम्लीहरुले स्वत स्फुर्तरुपमा लगाउनु पर्ने र विश्वमा माहामारीका रुपमा फैलिएको कोरोना भाइरस लग्नबाट बच्न समेत सोही कार्यक्रमका प्रमुख अतिथि एव सिमकोट गाउँ पालिका अध्यक्ष पदमबहादुर लामाले बताएका छन् ।
गाउँ पालिकाका वडा अध्यक्ष सदस्यहरुलाई सो खोप लगाउदा हुने फाइदा तथा वेफाइदाका बारेमा जानकारी गराउन सके उनीहरुले समुदाय स्तरमा खोप लगाउन सहज हुने जिल्ला समन्वय प्रमुख दानबहादुर रावतले बताएका थिए ।
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
