१९ पौष २०८१, शुक्रबार
राज शाही शनिबार, फाल्गुण १५, २०७७ मा प्रकाशित
सिमकोट गाउँपालिकाका ७ र ८ नं वडाका ६ वटा स्थानमा फागुन १० गते देखि फागुन १५ गतेसम्म स्वास्थ्य सेवा कार्यालय,आयुर्वेद शाखा,हुम्लाको आयोजनामा संचालन गरिएको गाउँघर क्लिनिक तथा नसर्ने रोग व्यवस्थापन कार्यक्रममा जम्मा १ हजार१ सय ८२ जनाको निःशुल्क स्वास्थ्य परिक्षण गरेर औषधी वितरण गरिएको छ ।
सेवा लिने सेवाग्राहीहरुमा सिमकोट गाउँ पालिका वडा नं ८ साँता र याङ्गु गाउँका २ सय १३ जना( महिला-१सय १९ र पुरूष-९४जना रहेका छन् । सोही गाउँ पालिका वडा न ८ स्याँडा गाउँमा ३ सय ३९ जना मध्य महिला-१ सय ९७ र पुरूष-१ सय ४२ जना रहेका छन् ।सोही गाउँ पालिका सोही वडाको खोल्सी गाउँमा जम्मा १७६ जना मध्य महिला-७६ र पुरूष-१ सय जनाले सेवा लिएका छन् ।
सिमकोट गाउँ पालिका वडा नं ७ चौगानफयामा जम्मा १५४ जना मध्य महिला-९७ र पुरूष-५७ जनाले आयुवेर्द सेवा लिएका छन् । सोही वडाको धारापोरी गाउँमा जम्मा १ सय १३ जना मध्य महिला ६७ र पुरुष ४६ जनाले सेवालिएका छन् । सोही वडाको डाँडाफया गाउमा जम्मा १ सय ८७ जना मध्य महिला १ सय २१ र पुरुष ७७ जनाले घरदैलो मै आयुवेर्द सेवा लिएका छन् ।
वडास्तरमा हेर्ने हो भने सिमकोट गा.पा ८ का ७ सय २८ जना र सिमकोट गा.पा ७ का ४ सय ५४ जनाले गाउँघर क्लिनिकबाट सेवा लिएका छन । उक्त सेवा भर्खरै जन्मेका बच्चा देखि १०० वर्ष उमेर पुगेका जेष्ठनागरिकलाई समेत प्रदान गरिएको छ । गाउँघर क्लिनिकमा सबै भन्दा वढि वातरोगका विरामीहरूको उपचार गरिएको थियो। त्यसपछि दम, रूघाखोकी, ग्याष्ट्रिक, श्वेतप्रदर, उच्च रक्तचाप, आमातिसार, गानो गोला आदि रोगहरूको उपचार गरिएको छ । साथै स्तनपायी आमाको लागि लक्षित गरि संचालन गरिएको स्तनपायी आमालाई दुग्धबर्धक औषधी वितरण कार्यक्रममा ४६ जना स्तनपायी आमालाई शतावरी चुर्ण र दशमुल तैल वितरण गरिएको जिल्ला स्वास्थ्य कार्यालय अन्तरगत आयुवेर्द शाखा प्रमुख कृष्ण चन्द जोसीले बताएका छन् ।
हुम्लामा चिसोले बाटोमा अलपत्र परेका एक जनालाइ नेपाल प्रहरीले उद्धार
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
