०७ पौष २०८१, आइतबार
राज शाही आइतबार, माघ ०४, २०७७ मा प्रकाशित
हुम्ला
सडक यातायता नजोडिएको हिमाली जिल्ला हुम्लाका लागि उडान भर्ने सबै नीजि क्षेत्रका एयरलाईन्सहरुले सहुलियत उडान भर्न सुरु गरेका छन् । कोरोना कहरपछि उक्त उडान बन्द भएकोमा हाल सहज रुपमा हवाई यातायात सुचारु हुदा उक्त उडान सुरु गरिएको हो ।
नेपालगंजबाट सिमकोटका लागि उडान भर्ने सवै एयरलाईन्सहरुले सहुलियत उडान पून सुरु गरेको काग्रो ब्यबसायी बिष्णु रावतले बताएका छन । हुम्लाका न्यून आयश्रोत भएका स्थानीयलाई लक्ष गरि एयरलाईन्सहरुले सहुलियत उडान भर्न सुरु गरेको रावतले बताए ।
नेपालगंजबाट सिमकोट उडानका लागि चार्टर भाडादर चर्को भएका बेला यसले हुम्लावासीलाई केही रुपमा राहत पुगेको छ । नयाँ सहुलियत उडानको भाडादरमा सीताले छ हजार, ताराले छ हजार र नेपाल एयरलाईन्सले पाँच हजार ९७५ रुपियाँ रहेको एयरलाईन्सहरुले जनाएका छन् ।
सबै एयर लाईन्सहरुले हप्तामा एक एक वटा उडान भर्न सुरुगरेका हुन । जब कि नेपालगंजबाट सिमकोटका लागि चार्टर उडानको भाडादर दश हजार ५५० रुपियाँ लाग्ने गर्छ । त्यसै गरि सामान ढुवानीको हवाई भाडादर पनि प्रतिकेजी १२० रुपियाँ लाग्ने गर्छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
