११ पौष २०८१, बिहिबार
राज शाही बुधबार, कार्तिक २६, २०७७ मा प्रकाशित
नेपाल टेलिकमको सेवाबाट हुम्लाबासीले शास्ती खेप्नु परेको छ । टेलिकमको इन्टरनेट सेवा सुस्त हुनु र मोवाईल सेवामा पनि स्पष्ट रुपमा आवाज नसुनिदा हुम्लाबासीले समस्या भोग्नु परेको हो ।
कक्षा १२ मा अध्ययनरत सिमकोट गाउँपालिका वडा नम्बर ५ का ससि रावतले अनलाईन कक्षा लिन निक्कै सास्ती खेप्नु परेको बताएका छन् । दिउसो १२ बजेवाट तीन बजेसम्म उनको कलेजले अनलाईन कक्षा सुरु गरेको छ । तर टेलिकमको एडिएसएल सेवाले काम नगर्दा कक्षा छुटाउनु पर्ने अबस्था उनलाई रहेको छ । त्यसैले दैनिक फोर जिबाट प्याक लिएर कक्षामा सहभागिता जनाउनु परेको गुनासो उनले गरेका छन् । भएको एडिएसएल सेवाले काम नगर्दा अतिरिक्त खर्च गरेर पठन पाठन गर्नु उनको बाध्यता रहेको छ । त्यो पनि गतिलो काम गर्दैन । बिहान र रातीको समय केही काम गरेपछि दिउसो र बेलुका काम नगर्दा सेवाग्राहीले शास्ती खेप्नु परि रहेको छ । यो समस्या विधार्थी र सञ्चारकर्मीका लागि मात्र नभई कार्यालयमा काम गर्ने कर्मचारीको पनि उस्तै छ ।
अझ इन्टरनेटको बढी आबश्यकता पर्ने बैंक तथा बित्तिय क्षेत्रका कार्यालयमा त झन इन्टरनेटले काम नगर्दा सेवा नै बन्द गर्नु परेको अबस्था पनि छ । त्यही भएर हुम्लामा स्थापना भएका बैंकहरुले बिकल्पमा काम गर्नका लागि दोहोरो इन्टरनेट जडान गरेका छन् । टेलिकमका लाईन म्यान राम बहादुर बोहरा कम क्षमता भएको टावर भएकै कारण इन्टरनेट सेवा सुस्त भएको बताउछन् । हुम्ला टेलिकमले २८६ पोटबाट मात्र एडिएसएल सेवा प्रदान गरेको छ ।
सदरमुकाम सिमकोट कै ब्यबस्था सहज नभएपछि गाउँमा त झन टेलिफोन गर्न पनि डाँडामा जानु पर्ने अबस्था छ । सेवाग्राही पदम सिंह नेपाल टेलिकमको मोवाईल सेवामा पनि खरावी आई रहने समस्या रहेको बताएका छन। घण्टी जाने तर आवाज नसुनिने समस्या हैरानी खेप्नु सामान्य जस्तै भएको छ । नेपाल टेलिकम क्षेत्रीय कार्यालय नेपालगंजका प्राविधिक शसिम पोखरेलले कर्णालीका बिकट स्थानमा बेला बेलामा टावरमै समस्या आएपछि यस्तो समस्या भएकोे बताएका छन् । यो समस्या दैनिक हुने गर्छ ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
