०८ पौष २०८१, सोमबार
राज शाही बुधबार, भाद्र ३१, २०७७ मा प्रकाशित
हुम्ला
चीनसंगको नाका ताकु लेकमा यसपाली द्धिपक्षीय ब्यापार ब्यबसाय सञ्चालन हुन सकेन । कोरोना संक्रमणको कारण चिनीया सुरक्षाकर्मीले चीनका ब्यापारीलाई सिमानामा आउन नदिएपछि ब्यापार हुन नसकेको हो । हुम्लाका ब्यापारी देखि स्थानीय सबैले नेपाल र चीनको नाका सिमकोट गाउँपालिका वडा नम्बर १ को ताकु लेकमा कुनै पनि ब्यापार ब्यबसाय हुन नसकेको स्थानीय छिमी लामाले बताए ।
सो नाकाबाट खाद्यान्न, ऊन, लत्ता कपडा, च्याङ्ग्रा लगाएतका बस्तुको ब्यापार हुने गथ्र्यो । तर यसपाली कोरोना त्रासको कारण सिमानामा रहेको चिनीया सुरक्षाकर्मीले चिनीया ब्यापारीलाई आउन नदिए पछि ब्यापार हुन नसकेको हो ।
ताकु लेकमा दुई देशका ब्यापारीबिच दश करोड भन्दा बढीको ब्यापार वर्षेनी हुने गरेको बताउदै अर्का स्थानीय नरेन्द्र लामाले यसपाली भने सुनसान रहेको बताए । नाका बन्द भएपछि धेरैको ब्यापार ब्यबसाय सुकेको छ ।
चुवा खोला क्षेत्रका खर्कमा बस्ने खर्कालाहरुले पनि रासन पानी सबै उतैको ब्यापारबाट ल्याएर प्रयोग गर्ने गरेको भएपनि यसपाली उक्त क्षेत्रमा ब्यापार नहुदा घरबाटै लिएर चलाएका छन् । नाका नखुले पछि ब्यापारी पनि कोही पनि सो क्षेत्रमा नपुगेको बताउदै लामाले यतिबेला चहल पहल निक्कै हुने सयम भएपनि खर्काला बाहेक कोही नभएको बताएका छन् ।
सिमकोट र खार्पुनाथ गाउँपालिकाका स्थानीय तथा ब्यापारीले स्याउ, घ्यु, उवाको सातु जस्ता सामान बिक्री गर्न पाएका छैन् । चुवाखोलामा चीनबाट आउने च्याङ्ग्रा मोटा र ठुलो हुने भएको कारण दशैमा घरघरमा ती च्याङ्ग्रा बिक्री हुन्थ्ये । तर यसवर्ष एउटा च्याङ्ग्रा पनि भित्रिन पाएका छैनन् । सिमानामा चिनीया र नेपालीले पाल टाँगेर ब्यापार गर्ने गर्थे। तर यस वर्ष कोरोनाको कारण ती पाटनमा एउटा पनि पाल टाँगिएन ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
