०८ पौष २०८१, सोमबार
राज शाही मंगलबार, भाद्र २३, २०७७ मा प्रकाशित
हुम्ला
स्वच्छ र सक्षम प्रशासन सम्वृद्धि र शुशासन भन्ने मुल नाराका साथ कर्मचारीलाई सम्मान गरी हुम्ला जिल्ला अदालतले निजामती कर्मचारी दिवस मनाएको छ ।१७ औ निजामती कर्मचारी दिवसको अवसरमा हुम्ला जिल्ला अदालतमा लामो समय सम्म कर्मठ, इमानदार र लगनसिल भई काम गर्ने नायव सुब्बा दानबहादुर रावतलाई सम्मान गरी उक्त दिवस मनाइएको हो ।
कोरोना भाइरस कोभिण्ड १९ लाई मध्य नजर रही नेपाल सरकारले कर्मचारीको स्वास्थ्य अवस्थालाई ध्यानमा राखी र्याली जुलुस नगरी आ आफ्नै कार्यालयमा सामाजिक दुरी कायम गरी कर्मचारी दिवस मनाउन परिपत्र गरे बमोजिम हुम्ला जिल्ला अदालतले आफ्नै कार्यालयमा कार्यरत कर्मचारीका बिच भाद्र २२ गते निजमती कर्मचारी दिवस मनाएको हो ।
हुम्ला जिल्ला अदालतका श्रेस्तेदार मदनराज भट्टराईको अध्यक्षतामा मनाइएको उक्त दिवसमा हुम्ला जिल्ला अदालतमा कार्यरत कार्यालय सहयोगी पदमबहादुर महरी बढुवा भइ खरिदार पदमा अन्य कार्यालयमा गएकाले सोहि अवसरमा हार्दिक वधाइका साथ विधाइ कार्यक्रम पनि गरिएको थियो ।
देश संघीयतामा गएर तीन किसिमका सरकार र कर्मचारीका संरचना बनेपछि एक आपसमा समन्वयको अभाब भएको देखिएको छ । संघीय मामिला तथा सामान्य प्रशासन मन्त्रालयले स्थानीय तहमा निजामति कर्मचारी खटाउने गरेपनि कर्मचारीलाई अन्य सहयोग नगर्दा कर्मचारीमा समन्वय अभाब देखिएको खार्पुनाथ गाउँ पालिकाका प्रमुख प्रशासकिय अधिकृत चन्द्रविर शाहीले उक्त निजामती कर्मचारी दिवसको अवसरमा बताएका छन् ।
पुर्व मुख्य मन्त्री जिवनबहादुर शाहीद्धारा नव निर्मित शिवको मुर्ति उद्धघाटन
पुर्व मुख्य मन्त्री जीवनबहादुर शाहीलाई अदालतले सफाई दिएसंगै हुम्ला जिल्ला भर दिपावली
वाइडबडी भ्रष्टाचार मुद्दामा पूर्व पर्यटनमन्त्री शाहीले पाए सफाइ
